被指暗挞王浩信?陈伟琪喊冤 被网民负评辣着 定欣搵老友呻足3粒钟!

摘要: 本期关键词:胡定欣 王浩信 陈玮琪 吴卓琳 朱晨丽

12-10 23:58 首页 HK娱乐圈



今日快报



愈爱愈高调!卓林祝国际出柜日快乐



艺人吴绮莉(Elaine)囡囡吴卓林早前突然喺社交网宣布出柜,令全城哗然!卓林同密友Andi愈爱愈高调,除咗被拍得深夜一齐返爱巢之外,Andi仲上载两人亲密合照至社交网!

卓林更新社交网,并上载一张侧身独照,照片背景系彩虹颜色,佢留言话:「Happy National Coming Out day!!(国际出柜日快乐)」似乎好享受出柜后嘅无拘无束生活!


【游西湖】霆锋请阿娇超莲食大锅饭



艺人锺欣潼(阿娇)早前爆出与台湾「医界王阳明」赖弘国拍拖,惟恋情曝光后阿娇一直忙于工作,暂时要同男友分隔异地!



蜜运中嘅阿娇最近孖好姊妹何超莲齐齐现身西湖,出席谢霆锋主理嘅真人骚节目《12道锋味》,霆锋透过微博分享拍摄花絮,留言:「熟人相见,分外嘴馋,一大大大大大大大大锅饭送给你们。」



相中霆锋亲自下厨,同其他厨师合力炒大镬饭,似乎为咗招待阿娇佢哋先咁隆重!

 

懒理何广沛 朱晨丽同伍允龙朝夕相对

 


艺人朱晨丽早前被拍到与何广沛约会,朱晨丽表示当日只是吃饭,因开剧是很难约朋友吃饭,故有时间就相约。问到可有机会与对方发展?她说:“其实拍《超时空男臣》之前我哋都识?喇,系好好朋友。(有冇机会发展?)好难答。(佢追你?)问番佢啦,我自己就冇咁嘅感觉啰!”不过她又大赞何广沛为人好,有上进心又勤力,指二人都希望可以互相帮忙,又不时对戏,又会请教对方。



昨日朱晨丽(朱朱)在将军电视广播城出席无线新剧《兄弟》拜神仪式。谈到她拍外景时将会与有感情线的伍允龙朝夕相对,问会否担心传绯闻,她谓:“唔会啩!(要同绯闻男友何广沛备案?)唔会啦,又唔系嫁人要交代,同阿妈交代就要,话声畀佢听我安全到达喇!(唔惊何广沛觉得冇安全感?)专业嘛,就算拍Kiss戏都系剧情需要唔会就住就住。(同伍允龙有锡戏?)暂时冇,剧本未写完!”



问出发前会否与何广沛食餐饭让对方为她饯行,她即拉开话题话自己会同谭俊彦等食《特技人》煞科饭局,到记者拉回“正轨”后她才谈绯闻男友:“唔会啦!冇时间,都未执嘢,好多嘢都未买!”

 

畀网民负评辣着 定欣搵老友呻足3粒钟!



艺人陈山聪早前与一众好友在卡拉OK庆祝生日,他上载与胡定欣的合照,并留言:「哎呀老婆!感谢妳(你)的生日礼物!LOVE U!」想不到惹来网民激进地留言侮辱。饱受负面评论的定欣,终于被触怒了!近日她在社交网上发长文爆Seed宣泄。

心情受到影响的定欣,难怪要搵朋友吐不快,日前下午3时许,定欣独自驾车离开将军澳寓所,直驶屋企附近一间酒店,身穿黑白间条衫的她,落车后不时皱着眉头,一脸愁容低头揿电话,然后步往酒店餐厅会合友人。足足吐了3个小时苦水,定欣与女友人一起步出,期间仍鸡啄唔断边行边呻,友人陪她倾行到座驾旁,之后分道扬镳。



另一日,约下午6时半,依然愁爆的定欣在电视城工作后,等埋「胡说八道」的好姊妹姚子羚收工,齐齐步出电视城门外,搭的士返自己屋企,继续搵姊妹倾诉解愁。



事后问到姚子羚有否去开解定欣,她接受电话访问时表示:「我都有叫佢唔好嬲,可能系因为啲留言真系超过大家嘅底线,又可能唔系单一事件,其实大家咁叫(哎呀老婆)都系一个暱称,我哋大家好好朋友,可能有啲人嘅留言令佢唔舒服啦!可能真系过咗佢底线,大家都明嘅!」


被指暗挞王浩信 陈伟琪喊冤

 


无线小生王浩信同老婆陈自瑶(YoYo)传婚变,有指因蔡思贝介入而令到夫妻关系变酸,不过浩信日前同太太孖住出席活动大晒恩爱,粉碎婚变传闻。

昨日凌晨,YoYo在ig上载自拍照,并写上:“Good night everyone!”为免重蹈上次唔畀Like嘅覆辙,今次浩信为免被扭耳仔,即时畀like老婆。



虽然浩信嘅绯闻似乎无日无之,除咗蔡思贝外,有传无线咪神陈伟琪亦同浩信过从甚密,仲成日约出嚟夜蒲添,睇嚟浩信又要拆弹喇!



陈伟琪接受访问时,便斩钉截铁表明完全唔识王浩信,她谓:我哋完全唔认识,未试过一齐拍剧,话我哋出去蒲时见过,根本无啲咁嘅事,如果话喺公司走廊见过打吓招呼,都数得好似得个两次咁多,真系唔识?喎!


哗,完全唔识但被讲到“关系超好”,同屈盲嘅睇国家机密一样咁惹笑,但陈伟琪就笑唔出,只系觉得非常之“莫名奇妙!”

?转载授权微信:lama129

? 商务QQ:443317765



菜单更新咯,再也不用去翻之前的文章找二维码啦

鉴定我们缘分的时候到了,快来偶遇我~

找到我并截图有神秘大礼哦!

(ID:HK娱乐圈)


首页 - HK娱乐圈 的更多文章: